جمال فرغلى يكتب..يا صلاة الزين لية كدة كابتن امام محمدين

منذ عرفت قدمى طريق نادى الاتحاد السكندرى ويتم استدعاء واحد من الناس الكبارة المحترمين علشان يبقى مسؤول عن الجماعة الناشئين وبعد الراجل ما يعرف يطير من الفرج  وعلشان زيتنا فى دقيقنا الراجل لا ليسأل الميزانية كام والا الهدف اية اللى ربنا يكرمك بية هاتو اكسبلك ماتشين وأخسرعشرين ما هو مافيش هدف والعملية كانت ماشية ومحدش زعلان وكلة بيشتغل وكل واحد يجرب مرة ويشتم اللى قبلة..قوم اية فكرت إدارة النادى الحالية فى عمل قطاع ناشئين بجد فتم التفاوض مع امام محمدين صاحب نهضة الناشئين فى انبى وحضر الرجل للاسكندرية و التقى لمدة ثلاثة ساعات أو يزيد مع الاستاذ محمد مصيلحى رئيس نادى الاتحاد السكندرى  يسمع منة الأهداف والطموحات القادمة ثم يطلب تقرير الجهاز السابق لدراستة ثم يزور منشآت النادى ويطلب مهلة لدراسة كل المعطيات ويقول ان بداية الإصلاح وجود ميزانية معلومة للقطاع تكفل رواتب معقولة للمدربين لمين يا عم أمام ايوة للمدربين انا الأول اطمئن على أدوات العمل ويذهب الرجل للقاهرة بعد أن أخبرنا كيف ياتى النجاح بعيدا عن شعارات والله زمان يا سلاحى